Səfirlik avtomobilinin iştirakı ilə zəncirvarı qəza - Bakıda

Bakıda zəncirvarı qəza baş verib. Avtosfer.az xəbər verir ki, bu barədə Şahidlərin apa-ya verdiyi məlumata görə, hadisə Heydər Əliyev prospektində qeydə alınıb. “Mercedes”, “Nissan” və “Opel” markalı avtomobillərinin toqquşması nəticəsində bir neçə nəfər xəsarət alıb. Yaralılar xəstəxanaya aparılıb.

Qəzaya düşən maşınlardan biri, “Opel” markalı avtomobil diplomatik nümayəndəliklərdən birinə məxsus olub.

Qəza səbəbindən Heydər Əliyev prospektində tıxac yaranıb.

Nizami rayon Polis İdarəsindən bildirilib ki, hazırda hadisə ilə bağlı araşdırma aparılır.