Şəhərin mərkəzində bahalı “Mercedes”lə “drift şou”su göstərən sürücü - 10-OJ-041 - VİDEO

Avtoxuliqanlıq edən sürücü özünü videoya çəkərək sosial şəbəkə hesabında paylaşıb. Avtosfer.az-ın məlumatına görə, görüntü mayın 29-da Nərimanov rayonu Həsən Əliyev küçəsində qeydə alınıb. Belə ki, 10-OJ-041 dövlət nömrə nişanlı “Mercedes” markalı avtomobilin sürücüsü yolda təhlükəli manevrlər edib. “Drift şou”su göstərən sürücü qoşa xəttin tələbini pozaraq əks istiqamətli yola keçir. Bu zaman o, həmin zolaqdakı nəqliyyat vasitələrinə təhlükə yaradır. Daha sonra isə yenidən qarşı tərəfə qayıdır. 
Qeyd edək ki, sürücünün törətdiyi qayda pozuntusu İnzibati Xətalar Məcəlləsinin 511.1-ci maddəsilə qiymətləndirilə bilər. 

***

Nərimanov rayonu, Həsən Əliyev küçəsində 10-OJ-041 dövlət nömrə nişanlı "Mercedes-Benz" markalı avtomobilin sürücüsünün təhlükəli manevrlər etməsi ilə bağlı rəsmi açıqlama verilib.
DİN Baş Dövlət Yol Polis İdarəsindən oxu.az-a bildirilib ki, həmin şəxs hazırda ölkə hüdudlarından kənardadır.
 

Nərmin