Şəhərin mərkəzində velosiped zolağını parkinqə çeviriblər - FOTO

Son dövrlərdə paytaxtda insanyönümlü şəhər mühitinin yaradılması üçün mühim addımlar atılır. Şəhərin bir sıra küçə və prospektlərində avtobus və velosiped zolaqları salınır, parklar açılır. Lakin buna baxmayaraq, bəzi sürücülər hələ də velosiped və skuter sürücülərini görməzdən gəlməkdə davam edir.

Avtosfer.az xəbər verir ki, Bakının Nəsimi rayonunda belə hallar daha intensiv yaşanır.

Belə ki, rayonun 28 May küçəsində salınan velosiped zolağı sürücülərin parkinq yerinə çevrilib. Sürücülər ya “5 dəqiqəlik marketə getmək” adı ilə, ya da iaşə müəssisəsinə məhsul çatdırmaq məqsədilə nəqliyyat vasitələrini velosiped zolağında park edib gedirlər. Bəzi sürücülər isə bunu dönmə işıqlarını yandırmaqla edir. Bu halda qaydanı pozmadıqlarını, xüsusi imtiyazlarının olduğunu düşünürlər.

99-OL-695 qeydiyyat nişanlı “Chery” markalı avtomobil kimi. 77-EB-491 nömrəli “Ford” markalı avtomobilin sahibi isə ümumiyyətlə maşını söndürüb və velosiped zolağını zəbt etdib.

Qeyd edək ki, qaydaları bu cür pozan sürücülər İnzibati Xətalar Məcəlləsinin 346.7-ci maddəsilə 2 bal 100 manat məbləğində cərimə edilə bilər.

Səfər