Səhv zolaqda hərəkət edən sürücü qırmızıda şütüyüb keçdi - VİDEO

Paytaxtın Xəlil Rza Ulutürk küçəsi ilə 9-cu Köndələn küçəsinin kəsişməsində ard-arda qayda pozan sürücü kameraya düşüb.

Avtosfer.az-ın əldə etdiyi məlumata görə, hadisə fevralın 24-də saat 17:42 radələrində baş verib. Belə ki, 10-OR-090 dövlət nömrə nişanlı “Hyundai” markalı avtomobilin sürücüsü əvvəlcə zolaqda düzgün yerləşmə qaydasını pozub. Görüntülərdən aydın olur ki, sağ hərəkət zolağında olan və yalnız sağa dönməyə icazə verilən hissədə hərəkət edən sürücü düz istiqamətdə davam edib.

Daha sonra o, işıqforun qadağanedici siqnalına məhəl qoymayıb və bütöv xətdən sola manevr edərək hərəkətini davam etdirib. Sürücünün bu davranışı digər hərəkət iştirakçılarına təhlükə yaradıb.

Qeyd edək ki, belə davranışlar xüsusilə pik saatlarda kəsişmələrdə qəza riskini artırır və nəqliyyat axınının təhlükəsizliyini pozur.
 

Nərmin