Səki boş qalıb, piyadalar isə yolun ortası ilə hərəkət edir - VİDEO

Xırdalanda piyadaların yol hərəkəti qaydalarına riayət etməməsi ilə bağlı görüntü qeydə alınıb. Avtosfer.az xəbər verir ki, hadisə piyadalar üçün nəzərdə tutulmuş səki olan ərazidə baş verib.

Müşahidə olunan vəziyyət ondan ibarətdir ki, piyadalar təhlükəsiz hərəkət imkanı olan səki ilə getmək əvəzinə, avtomobillər üçün nəzərdə tutulmuş yolda hərəkət ediblər. Qeydə alınmış videoda da açıq şəkildə görünür ki, yolun sağ kənarında rahat keçid üçün səki mövcuddur. Lakin bəzi vətəndaşlar bu imkanlardan istifadə etməyərək yolun hərəkət hissəsində yeriməklə öz həyatlarını riskə atıblar və eyni zamanda sürücülərin hərəkətinə maneə yaradıblar.

Yol hərəkəti qaydalarına əsasən, piyadalar onlar üçün müəyyən edilmiş səkilərdən və keçidlərdən istifadə etməlidir. Əks halda, bu cür qayda pozuntularına görə inzibati cərimə nəzərdə tutulur.

Fərid