Səkidə maşın saxlayan sürücü Sabunçu DYP tərəfindən cəzalandırıldı - VİDEO

Sabunçu rayon DYP Şöbəsinin əməkdaşları səkidə maşın saxlayaraq piyadalara çətinlik yaradan "Toyota" markalı, 90-MB-773 dövlət nömrə nişanlı avtomobilin sürücüsünü dərhal aşkar ediblər. Sürücü Tofiq İzatullayev avtomobili səkidə saxladığına görə İnzibati Xətalar Məcəlləsinə uyğun olaraq 2 bal 60 manat məbləğində cərimə olunub.

Vətəndaşlar polisin göstərdiyi bu operativ reaksiyaya görə DİN-ə təşəkkürlərini bildiriblər. Ərazi DYP əməkdaşları tərəfindən nəzarətə götürülüb.

***17:30, 23 may
Paytaxtın Sabunçu rayonu, Bakıxanov qəsəbəsində (“Bravo” supermarketin qarşısında) dayanma-durma qaydasını pozan sürücü görüntülənib. Avtosfer.az-ın məlumatına görə, hadisə bir müddət əvvəl səhər saatlarında qeydə alınıb. Belə ki, 90-MB-773 dövlət nömrə nişanlı “Toyota” markalı avtomobilin sürücüsü piyada səkisini zəbt edib. Nəticədə sürücü piyadaların yolunu kəsərək onlara çətinlik yaradıb. Kadrdan da göründüyü kimi piyada uşaq arabasıyla yolun hərəkət hissəsinə keçərək yoluna davam edib. 

Qeyd edək ki, hadisənin görüntüsü sosial şəbəkə paylaşılıb. İstifadəçilər sürücülərin sözügedən səkinin mütəmadi olaraq parkinq zonasına çevrildiyini bildiriblər. 

Nərmin