Səkidə maşınlar parklanıb, piyadalar yolla hərəkət etməyə məcburdur - VİDEO

Paytaxtda avtomobillərin səkilərdə park edilməsi halları hələ də ciddi problem olaraq qalır. 

Şəhərin mərkəzi küçələrində bu qayda pozuntusuna qarşı müəyyən nəzarət tədbirləri görülsə də, mərkəzdən kənarda vəziyyət əvvəlki kimi qalır.
Avtosfer.az xəbər verir ki, Müzəffər Həsənov küçəsində bu problem açıq-aşkar müşahidə olunur. Burada avtomobillərin səkilərə dırmaşdırılmasəı səbəbindən piyadalar məcburən yolun hərəkət hissəsinə çıxaraq hərəkət edirlər. Bu isə onların həyatını təhlükə altına salır.

Sakinlərin sözlərinə görə, küçə “20 Yanvar” dairəsindən yuxarıda yerləşdiyinə görə nəzarət daha zəifdir və sürücülər bu fürsətdən istifadə edərək avtomobillərini səkilərdə saxlayırlar. Nəticədə həm piyadaların gediş-gəlişi çətinləşir. Səkidə hərəkət etməyə şərait olmadığından piyadalar yolun avtomobillər üçün nəzərdə tutulan hissəsinə düşməyə məcbur qalır. Günün qaranlıq saatlarında isə bu hal ağır qəzalarla nəticələnir.

Eltac Zülfüqaroğlu