Səkidəki dəmirlər piyadalara təhlükə yaradır: "Ayağımız ilişib yıxılırıq"- ŞİKAYƏT - FOTO

Səkidəki maneələr piyadaların hərəkətini ciddi şəkildə çətinləşdirir. Avtosfer.az xəbər verir ki, problem paytaxtın Həzi Aslanov küçəsində müşahidə olunur. Belə ki, səkidən sökülmüş işıq dirəklərinin bağlantı hissələri kəsilmədiyi üçün piyadaların hərəkətinə təhlükə yaradır. Xüsusilə görmə problemi olan insanlar və qaranlıq saatlarda hərəkət edən piyadalar bu dəmir çıxıntılarını görə bilmədikləri üçün ayaqları ilişir və yıxılaraq xəsarət alırlar.

Məsələ ilə bağlı redaksiyamıza müraciət edən sakinlər həmin piyada keçidindəki dəmir çıxıntılarının təcili olaraq kəsilib aradan qaldırılmasını xahiş edirlər.

Fərid