Şər qarışan kimi artan qanun pozuntuları: “20 Yanvar” dairəsində ikinci zolaq zəbt edilir - VİDEO

Paytaxtın şimal girişində yenə qaydaları heçə sayan sürücülər peyda olub. Avtosfer.az xəbər verir ki, Bakının “20 Yanvar” dairəsinin yaxınlığında uzun illərdir fəaliyyət göstərən və qanunsuz sərnişindaşıma ilə məşğul olan sürücülər qaydaları açıq-aşkar pozmağa davam edirlər.

Belə ki, bir müddət əvvəl Tbilisi prospektinə çəkilən avtobus zolaqları “manatlıq” taksi və avtobusların fəaliyyətinin məhdudlaşması ilə nəticələndiyi üçün günlərlə mediada həmin ərazidən Sumqayıt və həmin istiqamətdəki qəsəbələrə hərəkət edən vətəndaşların aqibəti ilə bağlı materiallar hazırlanırdı. Dəfələrlə bu mövzuda açıqlama verən mütəxəssislər vətəndaşlara Bakı Beynəlxalq Avtovağzalından istifadəni məsləhət görsələr də, narazılıq davam edirdi.

“20 Yanvar” dairəsi ətrafında günorta saatlarında yol polisinin nəzarətinə görə əraziyə yaxınlaşmayan “manatlıq” taksi və avtobuslar isə axşam saatlarında bir-bir, iki-iki avtobus zolağına girməyib nəqliyyat vasitələrini ikinci zolaqda parklayaraq prospektdə sıxlıq yaradır, tıxaca səbəb olurlar. Sosial şəbəkələrdə yayılan görüntülərdən də aydın görünür ki, vətəndaşlar həmin sürücülərin qanunazidd davranışlarından narazıdırlar və bununla bağlı adiyyəti qurumların nəzarətinin güclənməsini gözləyirlər.

Həmin videonu sizə təqdim edirik:

Səfər