Sərnişin avtobusunun sürücüsü əks yola çıxıb qırmızıda keçdi - VİDEO - YENİLƏNİB

"Sosial şəbəkələrdə yayılmış görüntülərlə bağlı tərəfimizdən araşdırma aparılıb".

Avtosfer.az xəbər verir ki, bunu Oxu.Az-a açıqlamasında Baş Dövlət Yol Polisi İdarəsinin (BDYPİ) bölmə rəisi Elvin Hacıyev verib.

"Qaydaları pozan sürücü barəsində qanunamüvafiq tədbir görülüb. Bu cür qanun pozuntuları yalnız inzibati məsuliyyət yaratmır, eyni zamanda sürücünün özü ilə yanaşı sərnişinlərin, eləcədə digər hərəkət iştirakçılarının həyat və sağlamlığı üçün birbaşa təhlükə yaradır.

Sürücülərin diqqətinə bir daha çatdırırıq ki, yol hərəkəti təhlükəsizliyinin təmin edilməsi, hərəkət iştirakçılarının həyat və sağlamlığının qorunması məqsədilə qanunvericiliyin tələblərinə qeyd-şərtsiz əməl etsinlər", - deyə E.Hacıyev vurğulayıb.

***10:00

Xırdalan şəhərində yol hərəkəti qaydasını pozan avtobus sürücüsünün görüntüsü sosial şəbəkədə yayılıb. Avtosfer.az xəbər verir ki, hadisə Heydər Əliyev prospektində qeydə alınıb. Belə ki, 515 nömrəli marşrut xətti üzrə fəaliyyət göstərən 50-AE-205 qeydiyyat nişanlı "İsuzu" markalı avtomobilin sürücüsü qoşa xəttin tələbini pozaraq əks yola çıxıb. O, daha sonra svetoforun qırmızı işığında dayanmadan hərəkətinə davam edib.

Sözügedən videonu təqdim edirik.

Fərid