Sərnişin dolu avtobusda siqaret çəkən sürücü kötüyünü də yola atdı - VİDEO

Abşeron rayonu, Masazır dairəsində küçəni zibilləyən avtobus sürücüsü görüntülənib.

Avtosfer.az-ın məlumatına görə, 535 saylı müntəzəm marşrut xətti üzrə hərəkət edən 50-AG-967 dövlət nömrə nişanlı “Daewoo” markalı sərnişin avtobusunun sürücüsü işıqforun qırmızı işığında dayanarkən siqaret çəkib. Ardınca o, əlindəki siqaret kötüyünü yola atıb. 

Qeyd edək ki, qapalı məkanlarda siqaret çəkmək qanunvericiliyə əsasən qadağandır. Xüsusilə sürücülər arasında bu xətanı törədənlərə sıx rast gəlinir. Hətta avtobuslarda siqaret çəkməyi qadağan edən məlumatlandırıcı işarələr var. Lakin bir qisim sürücülər buna əhəmiyyət vermədən və sərnişinləri heçə sayaraq avtobusu tüstüyə məruz qoyur. 

Xatırladaq ki, qapalı məkanlarda siqaret çəkmək 50 manat cəriməylə nəticələnir. İnzibati Xətalar Məcəlləsinin 266.3-cü maddəsinə əsasən, məişət tullantılarının tutumlardan (urnalardan) kənar yerlərə atılmasına görə isə fiziki şəxlər 300 manat məbləğində cərimələnə bilər.

Nərmin