Sərnişinlə dolu avtobusu əks yola çıxarıb təhlükə yaratdı - VİDEO

Bakıda yol hərəkəti qaydasını kobud şəkildə pozan avtobus sürücüsünün hərəkətləri kameraya düşüb. Avtosfer.az xəbər verir ki, hadisə iyunun 23-də, paytaxtın Mehdiabad yolunda qeydə alınıb.

Belə ki, 592 nömrəli xətt üzrə fəaliyyət göstərən 77-JX-620 qeydiyyat nişanlı "Daewoo" markalı avtobusun sürücüsü tıxac zamanı qabağa düşmək üçün əks yola çıxıb. Qarşıdan nəqliyyat vasitələrinin yaxınlaşdığını görən sürücü toqquşmadan yayınmaq üçün yol çiyninə çıxmağa məcbur olub. Daha sonra isə görüntünü qeydə alan avtomobilin hərəkətinə maneə yaradaraq sağ hərəkət zolağına daxil olub.

Fərid