Sərt tormoz verən sürücü qəza şəraiti yaratdı: "Maşınımı düzəltdirmək üçün edirəm" - VİDEO

Bakıda təhlükə yaradan sürücünün videosu kameraya düşüb. Avtosfer.az xəbər verir ki, hadisə paytaxtın Əliyar Əliyev küçəsində baş verib. Görüntünü qeydə alan sürücü redaksiyamızın sosial şəbəkə hesabına müraciət edərək bildirib ki, 77-PL-154 qeydiyyat nişanlı "KIA" markalı avtomobilin sürücüsü onu təhlükə ilə üz-üzə qoyub: "Bu sürücünün hərəkətlərini işıqlandırmağınızı xahiş edirəm. Əliyar Əliyev küçəsində normal şəkildə hərəkət etdiyim zaman bu sürücü qarşıma keçdi və 2 dəfə sərt tormoz verərək mənə qəza şəraiti yaratdı. Niyə belə etdiyini soruşanda "maşının arxasını düzəltdirmək istəyirəm" dedi. Ümid edirəm ki, həmin sürücü məsuliyyətə cəlb ediləcək" - deyə oxucu bildirib.

Fərid