Sərxoş halda qəza törədən sürücü yenidən içkili halda tutuldu; 4500 manat cərimə - VİDEO

Sərxoş vəziyyətdə avtomobil idarə edən və polisin “Saxla” əmrinə tabe olmayan sürücü saxlanılıb. Avtosfer.az xəbər verir ki, hadisə Türkiyənin Konya şəhərində baş verib. 
Belə ki, Səlcuqlu rayonu, Səlahəddin Əyyubi küçəsində xidmət aparan yol polisi əməkdaşları 42-CME-70 dövlət qeydiyyat nişanlı “Chevrolet” markalı minik avtomobilinə “Saxla” əmri veriblər. Lakin sürücü M.C. polisin tələbinə məhəl qoymayaraq uzaqlaşmağa çalışıb. Uzun sürən təqibdən sonra polis əməkdaşları avtomobili saxlayıblar. 
Tibbi müayinədən keçirilən M.C-nin 1,34 promil sərxoş olduğu məlum olub. Bundan əlavə onun 6ı ay əvvəl içkili vəziyyətdə yol-nəqliyyat hadisəsi törətdiyinə görə sürücülük hüququndan məhrum edildiyi də üzə çıxıb. 
Polis əməkdaşları sürücüyə ümumilikdə 4 min 454 manat cərimə kəsiblər.

Namiq Musayev