Sərxoş və vəsiqəsiz halda maşın sürüb tıxac yaratdı; 2200 manat cərimələndi - VİDEO

Sürücülük vəsiqəsi olmayan və sərxoş vəziyyətdə avtomobil idarə edərək digər hərəkət iştirakçılarını sıxışdıran sürücü cərimələnib.

Avtosfer.az xəbər verir ki, Hadisə Türkiyənin Bolu şəhərində baş verib.

D-100 şosesində yaranan sıxlığı azaltmaq üçün çalışan yol polis əməkdaşları şübhəli avtomobilin digər hərəkət iştirakçılarını sıxışdıraraq hərəkət etdiyini və bu səbəbdən də tıxac yarandığını görüblər. 14-BM-756 dövlət nömrə nişanlı avtomobil polis əməkdaşları tərəfindən saxlanılıb. Yoxlama zamanı M.Ç adlı şəxsin 3,47 promil sərxoş olduğu və onun sürücülük vəsiqəsinin olmadığı da müəyyən edilib.

Polis əməkdaşları qanunvericiliyin tələbini pozan sürücünü 50 min lirə (2.200 manat) cərimələyib. Bundan əlavə, avtomobil duracağa aparılıb.

Namiq Musayev