Sərxoş vəziyyətdə "avtoşluq" edən sürücünün vəsiqəsi əlindən alındı, özü isə... - VİDEO

Binəqədi rayonu ərazisində avtoxuliqanlıq edən sürücü həbs edilib. Avtosfer.az xəbər verir ki, bu barədə Bakı şəhər Dövlət Yol Polisi İdarəsindən məlumat verilib. Belə ki, 99-HM-471 qeydiyyat nişanlı "Ford" markalı avtomobilin sürücüsü yolda qəza törədərək hadisə yerini tərk edib. O, daha sonra yol hərəkəti qaydalarını təhlükəli şəkildə pozaraq avtoxuliqanlıq hərəkətləri edib. DYP-dən verilən məlumata görə, sürücü saxlanıldıqdan sonra ərazi aidiyyəti üzrə 4-cü Polis Bölməsinə aparılıb. Onun əməlində İnzibati Xətalar Məcəlləsinin 333.3-cü, 511.1.3-cü, 327.1-ci və 327.6-cı maddələri üzrə təqsirli bildindiyi üçün barəsində toplanılmış materiallar Binəqədi rayon Məhkəməsinə göndərilib. Bu gün keçirilən məhkəmə iclası zamanı avtoxuliqanlıq edən sürücü Bəylərov İlkin Ədalət oğlunun sürücülük hüququ 2 il müddətinə məhdudlaşdırılmaqla 1 ay müddətinə həbs edilib.

Fərid