“Şeyx Lahmacun”un kuryerləri səkidə hərəkət edir - Piyadalar ŞİKAYƏTÇİDİR - VİDEO

Paytaxtın bir sıra ərazilərində bəzi motosiklet, moped və velosiped sürücüləri yol hərəkəti qaydalarını kobud şəkildə pozurlar. Belə ki onlar səkidə piyadalarla bərabər hərəkət edirlər.
Bakının Nəsimi rayonu, Asif Məhərrəmov küçəsində də bu cür xoşagəlməz mənzərə hökm sürür.
Bu barədə izləyicilərdən biri Avtosfer.az-ın “Whatsapp” ünvanına videomaterial göndərib. Kadrdan da göründüyü kimi, kuryer xidməti göstərən motosiklet, moped və velosiped sürücüləri piyadalar üçün nəzərdə tutulmuş səkini zəbt ediblər. Belə ki, onlar sifarişi müştəriyə tez çatdırmaq üçün səkiylə hərəkət edərək sözügedən küçədə fəaliyyət göstərən “Şeyx Lahmacun” adlı iaşə obyektinə yaxınlaşırlar. Bu azmış kimi qayda pozan sürücülər nəqliyyat vasitələrini dəqiqələrlə səkidə park edirlər. Mövcud vəziyyətin piyadaların hərəkətinə əngəl törətdiyini bildirən izləyici ərazidə demək olar ki, hər gün eyni xoşagəlməz halın yaşandığını bildirib.

Nərmin