Sıxlığa səbri çatmayan motosiklet sürücüsü səkiylə hərəkət etdi - VİDEO

Paytaxtın Nəsimi rayonu, Bakıxanov küçəsində qayda pozan motosiklet sürücüsü görüntülənub.

Avtosfer.az-ın məlumatına görə, xoşagəlməz hadisə martın 14-də saat 17:11 radələrində qeydə alınıb. Kadrdan göründüyü kimi, 99-X-938 dövlət nömrə nişanlı motosikletin sürücüsü səkiylə hərəkət edib. Belə ki, yoldakı sıxlığa səbri çatmayan sürücü üçün bu xətanı törədib.

Təəssüflə qeyd edək ki, əksər motosiklet və moped sürücüləri tıxac zamanı gecikməyi bəhanə edərək qayda pozurlar.
Lakin onlar təkcə qayda pozmurlar, sürücülərə və piyadalara qəza riski yaradırlar.  

Xatırladaq ki, bu qayda pozuntusu İnzibati Xətalar Məcəlləsinin 327.1-ci maddəsinə əsasən 40 manat məbləğində cəriməylə nəticələnir.

Nərmin