Sol zolaqda dayanan sürücü həm yolu kəsdi, həm də sərnişini riskə atdı - VİDEO

Ağdam rayonunun Quzanlı qəsəbəsi ərazisində dayanma-durma qaydalarını pozan sürücü kameraya düşüb.

Avtosfer.az-ın məlumatına görə, hadisə fevralın 26-da saat 15:00 radələrində qeydə alınıb. Kadrlardan aydın olur ki, 08-BK-117 dövlət nömrə nişanlı “VAZ-2107” markalı avtomobilin sürücüsü yolun ən sol hərəkət zolağında nəqliyyat vasitəsini saxlayaraq sərnişin düşürüb. Nəticədə arxadan gələn yük avtomobilinin hərəkəti məhdudlaşıb.

Diqqətçəkən məqamlardan biri də odur ki, sürücü sərnişini yolun aktiv hərəkət hissəsində düşürməklə onu birbaşa risk altına salıb. Üstəlik qadın yola diqqət yetirmədən hərəkət edib. Həmin anda digər zolaqlarda nəqliyyat vasitələrinin olmaması baş verəcək qəzanın qarşısını alsa da, bu, qayda pozuntusunun təhlükəliliyini azaltmır.

Qeyd edək ki,çoxzolaqlı yollarda sürücülər sərnişin mindirib-düşürərkən nəqliyyat axınına mane olmayan sağ kənar zolağı və ya yol çiyini seçməlidirlər. Bu vəziyyətdə sürücü hərəkəti davam etdirərək daha təhlükəsiz nöqtədə dayanmalı, həm arxadan gələn avtomobilin yolunu kəsməməli, həm də sərnişinin düşməsi üçün maşını yolun kənarında saxlamalı idi.

Nərmin