Soldakı maşını görməzdən gəlib manevr edən sürücü təhlükə yaratdı - 10-TT-388 - VİDEO

Paytaxtın Heydər Əliyev prospektində qayda pozan sürücü avtomobilin videoregistratoruna düşüb.

Avtosfer.az-ın məlumatına görə, hadisə oktyabrın 25-də saat 07:26 radələrində qeydə alınıb. Kadrdan göründüyü kimi, 10-TT-388 dövlət nömrə nişanlı “Voyah” markalı avtomobilin sürücüsü manevr qaydasını pozub. Belə ki, o, hərəkətdə olduğu zolaqdan qəfil sola çıxaraq görüntünü qeydə alan sürücüyə qəza şəraiti yaradıb. Xoşbəxtlikdən, təhlükə ilə üzləşən sürücü ehtiyatlı davranaraq toqquşmadan yayına bilib.

Belə hallar bir daha göstərir ki, zolaq dəyişərkən siqnal verməmək və qəfil manevr etmək təkcə qayda pozuntusu deyil, həm də qəzalara səbəb olan əsas amillərdəndir. Sürücülər hərəkət istiqamətini dəyişməzdən öncə arxa görünüş güzgülərindən və siqnal göstəricilərindən istifadə etməli, digər nəqliyyat vasitələrinin hərəkətini nəzərə almalıdırlar.

Nərmin