Stop işıqları yanmayan sürücüləri cərimə ilə yanaşı daha nələr gözləyir? - VİDEO

Qaydalar 22 May 2024 11:08 Oxunub 4184
Stop işıqları yanmayan sürücüləri cərimə ilə yanaşı daha nələr gözləyir? - VİDEO
WhatsApp kanalımıza abunə ola bilərsiniz

Yollarda stop işıqları nasaz olan avtomobillərə tez-tez rast gəlmək olur. Avtosfer.az xəbər verir ki, adətən sürücülər bu işıqların işləmədiyini bilsə də, məsuliyyətsizlik edərək dəyişmirlər. Nəticədə yolda hərəkət zamanı arxadan gələn sürücüləri təhlükə ilə üz-üzə qoyurlar. Bu işıqların yanmaması nəinki arxadan gələn sürücülərə, hətta həmin avtomobilin sürücüsünə də birbaşa təhlükə yaradır. Tormoz işıqlarının yanmamasına görə dəfələrlə qəzaların baş verdiyinin şahidi oluruq. Əsasən sürücünün qarşısına maneə çıxan zaman sərt tormoz verir, arxadan gələn sürücü də bunu görmədiyi üçün həmin maşınla toqquşur. 50 qəpiyə satılan həmin lampanın olmaması hər iki sürücünü xeyli miqdarda ziyana salır. Həmçinin bu işıqların nasaz olması inzibati məsuliyyət də yaradır.

İnzibati Xətalar Məcəlləsinin 342.5-ci maddəsində qeyd olunub ki, xarici işıq cihazları nasaz olan və belə nasazlığın aradan qaldırılması mümkün olmayan nəqliyyat vasitəsinin istismarına görə - əlli manat məbləğində cərimə nəzərdə tutulub.

 

Fərid

ŞƏRH YAZ
Ad

E-mail

Şərh