Sükan arxasına keçən azyaşlı barəsində tədbir görüldü - VİDEO

Sosial şəbəkə səhifələrində VAZ-21214 markalı avtomobilin azyaşlı tərəfindən idarə olunmasını əks etdirən videogörüntü yayımlanıb.

Avtosfer.az oxu.az-a istinadən xəbər verir ki, Bakı Şəhər Dövlət Yol Polisi İdarəsinin videogörüntü ilə əlaqədar apardığı araşdırma nəticəsində hadisənin paytaxtın Binəqədi rayonunda qeydə alındığı və VAZ-21214 markalı, 77-HC-505 dövlət qeydiyyat nişanlı nəqliyyat vasitəsini M.Əhmədovun idarə etdiyi müəyyən edilib. 

Mövcud qanunvericiliyin tələblərinə uyğun olaraq nəqliyyat vasitəsinin sahibi T.Əhmədov və M.Əhmədov barəsində inzibati tənbeh tədbiri görülüb.