Sumqayıtda təhlükə yaradan yük maşınları: Hər an qəza ola bilər - VİDEO

Sumqayıt şəhəri Mirzə Ələkbər Sabir küçəsi 42A ünvanında təhlükəli vəziyyət yaranıb.

Avtosfer.az xəbər verir ki, bu barədə ərazisində yaşayan sakinlər şikayət edib. Belə ki, yolun kənarında yük maşınları sıra ilə dayanıb. Ərazidə yerləşən məktəbin həyətindən yola çıxan zaman digər nəqliyyat vasitələrini görmək çətinləşir.

Sürücülər yolu görmək üçün avtomobili yolun hərəkət hissəsinə çıxarmalıdır. Bu da qəzaya səbəb ola bilər.
Vətəndaşlar qeyd edir ki, dayanma-durma qadağan olmadığı üçün DYP əməkdaşları sürücülərə cərimə yaza bilmir.

Sakinlər aidiyyəti dövlət qurumlarının məsələyə müdaxilə etməsini istəyir.

Videonu təqdim edirik:

Könül Rauf