Sürətlə gölməçəyə girən sürücü görünüşü məhdudlaşdırdı - VİDEO

Bakıda yol hərəkəti qaydasını pozan sürücünün videosu kameraya düşüb. Avtosfer.az xəbər verir ki, hadisə martın 24-də, paytaxtın Mikayıl Müşfiq küçəsində qeydə alınıb.

Belə ki, 99-UU-771 qeydiyyat nişanlı "Mercedes" markalı avtomobilin sürücüsü yağıntılı hava səbəbindən yaranmış gölməçəyə girib. Videodan da aydın şəkildə görünür ki, su sıçradılması nəticəsində videonu qeydə alan avtomobilin sürücüsünün görünüşü tam məhdudlaşıb. Daha sonra həmin sürücü sürətlə hərəkət edərək qarşıdakı növbəti gölməçəyə girib və yenidən su sıçradıb.

Su və ya palçığın yolda piyadalara, binalara və nəqliyyat vasitələrinə qəsdən sıçradılmasına görə İnzibati Xətalar Məcəlləsinin 342.1.5-ci maddəsilə 40 manat məbləğində cərimə nəzərdə tutulub.

Fərid