Sürücü 20 metrlik məsafəni bir zolaqda hərəkət edə bilmədi - VİDEO

Sürücülərin yollarda ən çox yol verdiyi qayda pozuntularından biri düzgün manevr etməmələridir. Avtosfer.az xəbər verir ki, bir çox sürücü hərəkət etdiyi zolaq üzrə irəliləyə bilmir. Xüsusilə yolun döngəli hissələrində zolaqdan çıxaraq digər hərəkət iştirakçıları üçün təhlükəli vəziyyət yaradırlar.

Belə sürücülərdən biri iyunun 7-də paytaxtın Heydər Əliyev prospektində hərəkət edən avtomobildə quraşdırılmış kameraya düşüb. Belə ki, 77-HJ-282 dövlət qeydiyyat nişanlı "Mercedes" markalı avtomobilin sürücüsü əvvəlcə sağa dönmə işığını yandırmasına baxmayaraq sol zolağa keçib. Daha sonra yenidən sağ zolağa keçərək görüntünü qeydə alan avtomobilin qarşısına çıxıb. Beləliklə, sürücü cəmi 20-30 metrlik məsafəni bir zolaqda hərəkət edə bilməyib.

Belə sürücülər yol sağa döngəli olanda sol zolağa, sola döngəli olanda isə sağ zolağa keçirlər. Səbəb isə döngə olan hissələrdə nişanlanma xətlərinə baxmamalarıdır.

Fərid