Sürücü 80 manatlıq qayda pozub qəza riski yaratdığı maşına siqnal verdi - VİDEO

Nərimanov rayonu Ağa Neymətulla küçəsində qayda pozan sürücü görüntülənib.
Avtosfer.az-ın məlumatına görə, hadisə yanvarın 1-də saat 13:35 radələrində qeydə alınıb. Videodan göründüyü kimi, 10-XY-032 dövlət nömrə nişanlı “KIA” markalı avtomobilin sürücüsü kobud qayda pozuntusu törədib. Belə ki, o, qeyd olunan küçədə sola dönməni qadağan edən nişanı görməzdən gəlib. Nəticədə yolayrıcına çatan sürücü qoşa xəttin tələbini pozub və sol tərəfdən gələn avtomobilə qəza riski yaradıb. İşin qəribə tərəfi isə onun xəbərdarlıq edən sürücüyə  siqnal verməsi olub.
Qeyd edək ki, bu qayda pozuntusu İnzibati Xətalar Məcəlləsinə əsasən, 3 bal 80 manat cəriməylə nəticələnir. 

Nərmin