Sürücü 800 manatlıq qayda pozub sosial şəbəkə hesabında paylaşdı - VİDEO

Qayda pozan sürücü özünü videoya çəkərək sosial şəbəkə hesabında paylaşıb.

Avtosfer.az-ın məlumatına görə, 77-AU-147 dövlət nömrə nişanlı “KIA” markalı avtomobilin sürücüsü maşının arxa tərəfinə operativ nəqliyyat vasitələri üçün nəzərdə tutulmuş göy və qırmızı sayrışan işıq siqnalları quraşdırıb. Cəlilabad rayonu ərazisində qeydə alınmış digər görüntüdə isə o, normativ tələbləri pozaraq maşının ön işıqlarını yanıb-sönən rejimə keçirib.

Qeyd edək ki, İnzibati Xətalar Məcəlləsinin 342.9-cu maddəsinə əsasən, nəqliyyat vasitələrinin müvafiq icazə olmadan xüsusi (çox avazlı) səs və ya sayrışan işıq siqnalları ilə təchiz edilməsinə görə 500 manatdan 800 manatadək məbləğdə cərimə nəzərdə tutulur.

Nərmin