Sürücü 90-lıq yolda 89-la radara düşdü - MÜƏMMALI PROTOKOL - FOTO - VİDEO

Köhnə Bakı-Salyan yolunun 90 km/saat sürət olan hissəsində 89-la radara düşən sürücü redaksiyamızın elektron ünvanına şikayət ünvanlayıb. Sürücü Soltanov Bəhram Feyzulla oğlu Avtosfer.az">Avtosfer.az-a məlumat verərək iddia edir ki, radara düşdüyü yer yaşayış məntəqəsindən kənar yoldur. "İdarə etdiyim 42-BT-359 qeydiyyat nişanlı "Mercedes" markalı avtomobillə sürət həddini aşmadan hərəkət edərkən, qarşıdan gələn YPX maşınınındakı radar mənim barəmdə protokol tərtib edib. Getdiyim istiqamətdə 60-ı bildirən heç bi nişan yoxdur. Əksinə, yolun əks tərəfində 90 nişanı var. Buradan görünür ki, YPX avtomobilindəki radar səhv tənzimlənib. Yəni radar 60 km/saat sürətə yox, 90 km/saat sürətə köklənməli idi. Yolun giriş və çıxışında isə yaşayış məntəqəsini bildirən heç bi nişan yoxdur. Ona görə də barəmdə tərtib edilmiş protokol əsassızdır".

Qeyd edək ki, sürücü sözügedən yolda 60 nişanının olmadığını sübut etmək üçün həmin ərazidə videoçəkiliş də aparıb. Qeydə alınmış videodan da aydın şəkildə görünür ki, yolda 60 nişanı yoxdur.

Sürücü Dövlət Yol Polisi İdarəsinin rəhbərliyindən həmin protokolun ləğv olunmasını xahiş edir.

Fərid