Sürücü əks yola çıxan avtomobillərin hərəkətinə maneə oldu - VİDEO

Səbail rayonu Bibiheybət qəsəbəsində kütləvi şəkildə qayda pozan sürücülər kameraya düşüb.
Avtosfer.az-ın məlumatına görə, hadisə yanvarın 16-sı saat 15:56 radələrində qeydə alınıb. Videodan göründüyü kimi, “Hyundai”, “KIA” və “Changan” markalı avtomobillər əks yolla hərəkət edib. Sıxlığa düşmək istəməyən sürücülər qarşı zolağa çıxaraq nəqliyyat vasitələrinin hərəkətini məhdudlaşdırıblar. Bu zaman qarşı tərəfdən gələn avtomobilin sürücüsü dayanaraq qayda pozan avtomobillərin hərəkətinə maneə törədib. Bir müddət sonra onlar yenidən öz zolaqlarına keçiblər.
Qeyd edək ki, bu qayda pozuntusu İnzibati Xətalar Məcəlləsinin 327.4-cü maddəsilə 4 bal 150 manat cərimə nəzərdə tutulub.

Nərmin