Sürücü əks yola çıxıb "protiv" getdi, sonra isə əlini çıxarıb... - VİDEO

Bakıda əks yola çıxan sürücü təhlükəli anlar yaşadıb. Avtosfer.az xəbər verir ki, hadisə sentyabrın 25-də, paytaxtın Sabunçu-Zabrat yolunda baş verib. Belə ki, 10-SJ-501 qeydiyyat nişanlı “Mercedes” markalı avtomobilin sürücüsü qoşa xəttin tələbini pozaraq əks yola çıxıb. Qarşıdan avtomobillərin gəlməsinə əhəmiyyət verməyən sürücü axına qarşı hərəkət edərək qəza şəraiti yaradıb.

Qeyd edək ki, qaydaları pozan sürücü görüntünü qeydə alan avtomobillə toqquşacağını görsə də, sürəti azaltmaq əvəzinə gəldiyi sürətlə yoluna davam edib. Bu azmış kimi, əl hərəkətləri ilə özünə haqq qazandırmağa da çalışıb.

Leyla