Sürücü əks yolda olduğunu son anda anlayıb ölümdən xilas oldu - VİDEO

Bakıda kobud qayda pozuntusu törədən sürücü kameraya düşüb. Avtosfer.az xəbər verir ki, hadisə Yeni Yasamal ərazisində qeydə alınıb. Belə ki, 50-FK-845 qeydiyyat nişanlı "Chevrolet" markalı avtomobilin sürücüsü bütöv xəttin tələbini pozaraq əks yolda ötmə əməliyyatı həyata keçirib. Bu zaman o, qarşıdakı "VAZ 2106" markalı avtomobillə üz-üzə gələrək təhlükəli anlar yaşadıb. Sürücü son anda əks yolda hərəkət etdiyini anlayaraq qəfil sağa manevr edib və qəzanın qarşısını ala bilib.

Qeyd edək ki, bu qayda pozuntusuna görə, sürücü İnzibati Xətalar Məcəlləsinin 327.4-cü maddəsilə 4 bal 150 manat məbləğində cərimə oluna bilər.

Fərid