Sürücü hərəkət zamanı ayağını qaldırıb görün nə etdi - VİDEO

Sükan arxasında etdiyi təhlükəli hərəkəti kameraya çəkən sürücü həmin videonu sosial şəbəkədə paylaşıb. Avtosfer.az xəbər verir ki, 99-JO-468 qeydiyyat nişanlı yük avtomobilinin sürücüsü sükan arxasında ayağını qaldıraraq sürətlər panelinin üzərinə qoyub. Bu hərəkəti isə videoyaa çəkərək sosial şəbəkədə özünü reklam etməyə çalışıb.

Qeyd edək ki,  sükan arxasında belə hərəkətlər yolverilməzdir. Mexaniki ötürücülü avtomobillərdə sol ayaq daim ayırıcı pedalın yanında olmalıdır ki, hər hansısa bir təhlükə yarandıqda dərhal həmin pedaldan istifadə etmək mümkün olsun. Eyni zamanda ayağın yuxarı qaldırılması qəza zamanı sürücünün ayağının, həmçinin digər orqanlarının zədələnməsi ilə nəticələnə bilər.

Fərid