Sürücü hərəkəti iflic etdi, xanımı isə "söhbət xırdaladı": "Az danış, ağsaqqallıq eləmə" - VİDEO

Xırdalan şəhərində qaydaları pozan sürücü yolda hərəkəti iflic edib. Avtosfer.az xəbər verir ki, hadisə Vüsal Xəlilov küçəsində qeydə alınıb. Belə ki, 77-YK-906 qeydiyyat nişanlı "Hyundai" markalı avtomobilin sürücüsü yolun ortasında dayanaraq yolu kəsib. Sonradan həm arxadan həm də qabaqdan avtomobillər gəldiyi üçün yolda hərəkət iflic olub. Görüntünü qeydə alan sürücü geriyə hərəkət edərək yolun açılmasına şərait yaradıb.

O, sürücüyə normal şəkildə irad bildirən zaman, yanındakı xanım kobud şəkildə "az danış", "yolunu dəyiş başqa yerdən get", "az ağsaqqallıq elə" - deyərək özünü haqlı çıxarıb. Sürücü isə ona deyilən sözün əhəmiyyətsiz olduğunu görərək yoluna davam edib.

Qeyd edək ki, hadisə nəticəsində yolda 4 dəqiqədən artıq ləngimə baş verib. Təəssüf ki, bəzi sürücülər qaydalara məhəl qoymayaraq yalnız öz rahatlıqlarını düşünürlər. Maraqlıdır ki, belə insanlar eyni vəziyyətə özləri düşəndə anlayış göstərmək əvəzinə, daha aqressiv reaksiya verirlər. Lakin özləri belə vəziyyət yaradanda özlərində heç bir səhv görmürlər.

Fərid