Sürücü iki dəfə qəza şəraiti yaratdı, sonra qırmızı işıqda keçdi - VİDEO

Bakıda davamlı şəkildə qayda pozan sürücünün videosu sosial şəbəkədə yayılıb. Avtosfer.az xəbər verir ki, hadisə dekabrın 21-də, paytaxtın Babək prospektində baş verib. Belə ki, 10-KA-026 qeydiyyat nişanlı "Lexus" markalı avtomobilin sürücüsü prospektə daxil olan zaman görüntünü qeydə alan sürücüyə təhlükə yaradıb. O, daha sonra eyni hərəkəti digər sürücüyə qarşı törədərək növbəti dəfə təhlükə yaradıb. Nəhayət sürücü sonda svetoforun qadağan işığında dayanmadan keçərək qaydaları növbəti dəfə pozub.

Qanunvericiliyə görə, sürücünün törətdiyi xətalar arasında zaman kəsiyi olduğu üçün o, hər bir xətaya görə ayrı-ayrılıqda məsuliyyətə cəlb edilə bilər.

Fərid