Sürücü iki maşın qabağa düşmək üçün 100 manatlıq qayda pozdu - VİDEO

Tıxacda vaxt qazanmaq istəyən sürücü yol hərəkəti qaydasını pozmağı seçib. Avtosfer.az xəbər verir ki, hadisə sentyabrın 26-da, Bakı-Sumqayıt yolunda baş verib.

Belə ki, 77-DD-609 qeydiyyat nişanlı "Ford" markalı avtomobilin sürücüsü tıxac zamanı qabağa düşmək istəyib. Lakin o, qaydanı pozaraq özündən öndə olan iki avtomobilin qarşısına keçə bilib.

Əksər sürücülər tıxac zamanı belə etdikləri halda qabağa düşdüklərini düşünürlər. Lakin iki maşın qarşıya keçmək sürücüyə nə vaxt, nə də ki, məsafə qazandırır. Əksinə cərimə olunmaqla öz büdcəsinə zərər vurur.

Qeyd edək ki, avtobus zolağında hərəkət etməyə görə, İnzibati Xətalar Məcəlləsinin 327.1-1-ci maddəsilə 2 bal 100 manat məbləğində cərimə nəzərdə tutulub.

Könül Rauf