Sürücü ikinci cərgəni zəbt edən maşının sahibinə qəzəbləndi: "Yekə kişisən..." - VİDEO

Bakıda yol hərəkəti qaydasını pozan sürücülər kameraya düşüb. Avtosfer.az xəbər verir ki, hadisə iyulun 31-də, paytaxtın Abdulla Şaiq küçəsində baş verib.

Belə ki, 90-AM-898 qeydiyyat nişanlı "Hyundai" markalı yük avtomobilinin sürücüsü ikinci cərgədə dayanaraq yoxuşdan sağa dönən maşınların qarşısını kəsib. Görüntünü qeydə alan sürücü irad bildirsə də, o, deyilən iraddan heç bir nəticə çıxarmayaraq qayda pozmağa davam edib.

Videogörüntüdə digər sürücünün də qayda pozuntusu əks olunub. 77-XC-604 qeydiyyat nişanlı "KIA" markalı avtomobilin sürücüsü də ikinci cərgədə dayanaraq qaydanı pozub.

Qeyd edək ki, yeni qüvvəyə minmiş İnzibati Xətalar Məcəlləsinin 346.4-cü maddəsinə görə, həmin sürücülər törətdikləri xətaya uyğun olaraq 2 bal 80 manat məbləğində cərimə oluna bilər.

Könül Rauf