Sürücü insanların istirahət etdiyi yerdə "avtoşluq" edib təhlükə yaratdı - VİDEO

Paytaxtın Xəzər rayonunda avtoxuliqanlıq edən sürücü qeydə aldığı videonu sosial şəbəkə hesabında paylaşıb. Avtosfer.az xəbər verir ki, hadisə çimərlik ərazisində baş verib.

Belə ki, 99-DJ-294 qeydiyyat nişanlı "Toyota Prado" markalı avtomobilin sürücüsü insanların istirahət etdiyi yerdə yol hərəkəti qaydalarını davamlı şəkildə pozaraq şou göstərib. Videogörüntüdən də aydın şəkildə görünür ki, sürücü avtoxuliqanlıq edən zaman kənarda gəzişən heyvanlara da təhlükə yaradıb.

Bu hərəkəti etməklə sürücü sosial şəbəkədə izləyici kütləsi yığmağa çalışıb. Lakin düşünməyib ki, etdiyi hərəkətlərə görə, İnzibati Xətalar Məcəlləsinin 511.1-ci maddəsilə məsuliyyətə cəlb edilə bilər.

Sözügedən videonu təqdim edirik.

Fərid