Tələsən sürücü manevr qaydasını 11 dəfə pozub görün hara getdi - VİDEO
Qaydalar 18 Dekabr 2020 13:32 Oxunub 14174
Tələsən sürücü manevr qaydasını 11 dəfə pozub görün hara getdi - VİDEO

Bakıda təhlükəli manevrlər edərək digər hərəkət iştirakçılarına qəza şəraiti yaradan sürücünün görüntüsü kameraya düşüb. Avtosfer.az xəbər verir ki, 99-SL-261 qeydiyyat nişanlı “Mitsubishi Lancer” markalı avtomobilin sürücüsü dekabrın 11-i paytaxtın Nəriman Nərimanov prospekti ilə hərəkət edən zaman sol zolağa qəfil manevr edərək görüntünü qeydə alan sürücüyə təhlükə yaradıb. O, daha sonra manevr və ötmə qaydalarını 11 dəfə kobud şəkildə pozaraq təhlükəli hərəkətinə davam edib. Sürücü bu hərəkətlərdən sonra Mikayıl Müşviq küçəsində dayanaraq avtomobilini park edib.

Yolda qaydaları pozan və yaxud təhlükəli hərəkətlər edərək qəza şəraiti yaradan sürücülərə irad bildirərkən adəti üzrə müxtəlif bəhanələr gətirirlər. “Tələsirəm”, “xəstəm var” və.s bu kimi bəhanələr gətirən sürücülər özlərini günahsız çıxarmağa çalışırlar. Sanki cəmiyyətdə ən vacib işləri bunlar görür, digər insanlar avaraçılıqla məşğuldurlar.

Təqdim etdiyimiz videodan da aydın şəkildə görünür ki, “tələsən” bu sürücü avtomobili park edərək gözləyib.

Sürücülərə bir daha tövsiyə edirik ki, yolda qaydaları pozmasınlar və digər sürücülərə təhlükə yaratmasınlar. Qeyd edək ki, bəhanələriniz baş verə biləcək qəzadan sizi qurtarmayacaq.

 

Fərid

ŞƏRH YAZ
Ad

E-mail

Şərh