Sürücü olmayan velosiped zolağına görə cərimələndi - 100 manat 2 bal - FOTO

Bakıda haqsız yerə cərimələndiyini iddia edən sürücü redaksiyamızın qaynar xəttinə şikayət ünvanlayıb. O bildirir ki, 77-GE-291 qeydiyyat nişanlı "Hyundai" markalı avtomobili oktyabrın 1-də, paytaxtın Hüseyn Cavid prospektində park edib. Avtosfer.az xəbər verir ki, dayanma-durmanı qadağan edən heç bir hal olmadığı halda onun barəsində İnzibati Xətalar Məcəlləsinin 346.7-ci maddəsilə 2 bal 100 manat məbləğində cərimə tətbiq edilib. Məlum olub ki, elektron qərar velosiped zolağında park edilməyə görə tərtib olunub. Lakin qeydə alınmış fotolardan da aydın şəkildə görünür ki, dirək üzərində 4.5 nişanı olsa da, asfalt üzərində nişanlanma xətti yoxdur. Hərəkətin təşkilində natamamlıq olduğu halda sürücüyə cərimə yazılması doğru hesab olunmur.

Qeyd edək ki, 4.5 nişanı olduğu halda, nişanlanma xətləri ilə həmin zolaq digər hərəkət zolaqlarından ayrılmalıdır.

Fərid