Sürücü narazılıq etdi; DYP cavab verdi – BELƏ SƏKİ OLAR? – VİDEO

Bakının Atatürk prospektində avtomobilini saxlayan paytaxt sakini Çingiz Özgür cərimələndiyini bildirir. 

Avtosfer.az xəbər verir ki, onun sözlərinə görə, polis əməkdaşları tərəfindən dayanma və ya durma qaydasını pozaraq səkidə park etdiyinə görə 60 manat və əlavə olaraq 2 bal cərimələnib.

Sürücünün iddiasına görə, polis dayanma yerinin səki olduğunu bildirib. Lakin Çingiz Özgür bununla razılaşmır. O qeyd edir ki, həmin ərazidə səkilər çox dar sahəni əhatə edir və bir neçə yerdə obyektlər tikildiyindən səki ardıcıllığı pozulub. “Ora səki sayılacaq bir yer deyil. Yolun kənarında binalar var və piyadalar üçün hərəkət zolağı davam etmir”, – deyə sürücü bildirib.

Bakı Şəhər DYP İdarəsinin bölmə rəisi Toğrul Nəsirli Avtosfer.az-ın sorğusuna cavab olaraq bildirdi ki, mövcud qanunvericiliyin tələblərinə əsasən səkidə nəqliyyat vasitələrinin dayanması və durması qadağandır və öz növbəsində inzibati məsuliyyət yaradır:

“Nəzərə almaq lazımdır ki, səki piyadaların rahat və təhlükəsiz hərəkət etməsi üçün nəzərdə tutulub”.

Eltac Zülfüqaroğlu