Sürücü pul verməmək üçün maşını səkiyə çıxardıb park etdi - 90-PN-439 - VİDEO

Paytaxtda səkini zəbt edən avtomobil görüntülənib. Avtosfer.az xəbər verir ki, 90-PN-439 dövlət qeydiyyat nişanlı “Ford Focus” markalı avtomobilin sürücüsü səkidə parklanıb. Çox güman ki, o, parklanma üçün pul ödəməmək məqsədilə bunu edib. Çünki yaxınlıqda yolun kənarında avtomobillər üçün parkinq var.

Sürücü piyadaların hərəkətini məhdudlaşdıraraq yol hərəkət qaydalarını kobud şəkildə pozub.

Təəssüf ki, sürücülər tez-tez piyadaların təhlükəsiz hərəkəti üçün təşkil olunmuş səkilərdə parklanır. Belə hallarda piyadalar yolun hərəkət hissəsinə keçməyə məcbur olur ki, bu da çox vaxt piyada vurma hadisələrinə səbəb olur.

Qeyd edək ki, həmin sürücü İnzibati Xətalar Məcəlləsinin müvafiq bəndinə əsasən 20 manat məbləğində cərimə olunmalıdır, səkidə hərəkətə görə 40 manat da cərimə tətbiq oluna bilər.

Məhəbbət Tərlanoğlu