Sürücü qəza şəraiti yaradır, üstəlik özünü haqlı çıxarır: "Üstümə niyə sürürsən?" - VİDEO

Bakıda yolayrıcının keçilməsi qaydasını pozan sürücü təhlükə yaradıb. Avtosfer.az xəbər verir ki, hadisə sentyabrın 14-də, paytaxtın Mərdanov qardaşları ilə Mirəsədulla Mirqasımov küçəsinin kəsişməsində baş verib.

Belə ki, 77-XY-036 qeydiyyat nişanlı "Ford" markalı avtomobilin sürücüsü yol ver nişanının tələbini pozaraq sola dönüb. Bu zaman görüntünü qeydə alan avtomobilin qarşısına çıxaraq ona qəza şəraiti yaradıb. Bu azmış kimi "niyə üstümə sürürsən?" deyərək özünə haqq da qazandırıb.

Qeyd edək ki, bu qayda pozuntusuna görə, İnzibati Xətalar Məcəlləsinin 327.2-ci maddəsi ilə 3 bal 100 manat məbləğində cərimə nəzərdə tutulub.

Fərid