Sürücü qəza törədərək hadisə yerindən qaçıb - Məmurdur? - FOTO

Bakının Nərimanov rayonunda yol nəqliyyat hadisəsi baş verib. Avtosfer.az "Report"a istinadən xəbər verir ki, "Nəriman Nərimanov" metrostansiyası istiqamətində hərəkətdə olan "Mercedes" markalı avtomobil eyni markalı minik avtomobilinə arxadan çırpılıb. Sürücü Kamil Rəşidovun sözlərinə görə, qəzanı törədən "Mercedes"in sürücü hadisədən sonra ərazidən uzaqlaşıb. Hadisə yerində yol polis əməkdaşları olublar. Müayinələr aparılıb, ölçülər götürülüb.

Deformasiyaya uğrayan avtomobillər cərimə meydançasına aparılıb. Faktla əlaqədar avtotexniki ekspertiza təyin edilib.

Qeyd edək ki, “Mercedes”in ön şüşəsində Azərbaycan dövlət gerbinin olması diqqətdən yayınmayıb. Bu isə qəza törədən şəxsin vəzifəli olduğuna dair ehtimalları artırır.