Sürücü rayon yolunda 2 dəfə "ruçnoy" çəkib "avtoşluq" etdi - HƏBS OLUNA BİLƏR - VİDEO

Magistral yolda avtoxuliqanlıq edən sürücünün videosu sosial şəbəkədə yayılıb. Avtosfer.az xəbər verir ki, 77-FB-192 qeydiyyat nişanlı “KİA” markalı avtomobilin sürücüsü sosial şəbəkədə trendə düşmək və izləyici kütləsi yığmaq üçün təhlükəli hərəkətlər edərək özünü videoya çəkib. Belə ki, o, 2 dəfə əl əyləcindən istifadə edərək avtomobili fırladıb və asfaltda təkərlərin sürtünməsi səslərini çıxararaq yerdə təkər izləri buraxıb.

Qeyd edək ki, qanunvericiliyə görə bu əməl avtoxuliqanlıq hesab edilir və bu əməli törədən sürücünü - nəqliyyat vasitəsini idarə etmək hüququ bir il müddətinə məhdudlaşdırılmaqla beş yüz manatdan yeddi yüz əlli manatadək məbləğdə cərimə və ya nəqliyyat vasitəsini idarə etmək hüququ bir il müddətinə məhdudlaşdırılmaqla işin hallarına görə, pozuntunu törədənin şəxsiyyəti nəzərə alınmaqla, on beş gündən bir ayadək müddətə inzibati həbs gözləyir

Könül