Sürücü yolayrıcında tıxac yaradıb yolu kəsdi - VİDEO
Yolayrıcını zəbt edən sürücü digər hərəkət iştirakçılarının yolunu kəsib. Avtosfer.az xəbər verir ki, hadisə mayın 24-də, Xırdalan şəhəri, Heydər Əliyev prospektində qeydə alınıb. Belə ki, 99-VG-712 qeydiyyat nişanlı "Honda" markalı avtomobilin sürücüsü yolayrıcından sonra tıxac yaranmasına baxmayaraq kəsişmə yerinə daxil olub. O, yolayrıcında qalaraq digər istiqamətdən gələn sürücülərin yolunu kəsib.
"Yol hərəkəti haqqında" qanunun 75-ci maddəsində qeyd olunub ki, "əgər yolayrıcında, o cümlədən yolun hərəkət hissələrinin kəsişmə yerində, yaxud yolayrıcından və ya kəsişmə yerindən bilavasitə sonra tıxac yaranıbsa və bu, sürücünü dayanmağa məcbur edərək digər istiqamətlərdən nəqliyyat vasitələrinin hərəkəti üçün maneə yaradacaqsa, sürücünün belə yolayrıcına daxil olması qadağandır".
Fərid