Sürücülər arasında yayılmış "boş yer" xəstəliyi - CƏRİMƏSİ NƏ QƏDƏRDİR? - VİDEO

Sürücülərin mütəmadi şəkildə pozduqları qaydalardan biri də manevrdir. Avtosfer.az xəbər verir ki, yollarda manevr qaydasına əməl edən çox az sayda sürücü görmək olur. Bu qaydanı pozan sürücülərdən birinin hərəkətləri avtomobildəki kameraya düşüb. Belə ki, 90-SL-319 qeydiyyat nişanlı "Toyota" markalı avtomobilin sürücüsü lüzumsuz yerə bir neçə dəfə manevr edib və bu zaman qaydaları pozub. Videodan da göründüyü kimi sürücü gah sola, gah da sağa manevr edir. Manevr edən zaman isə qaydalara əməl etmədiyi üçün qonşu zolaqdakı sürücülərə maneə yaradıb.

Qeyd edək ki, son zamanlar sürücülər arasında "boş yer" xəstəliyi yaranıb. Əksər sürücülər bir zolaq üzrə hərəkət edə bilmirlər. Əsasən tıxac zamanı harada boş yer görürlərsə ora manevr edərək həm təhlükə yaradırlar, həm də yolda vəziyyəti daha da gərginləşdirirlər.

Bu cür sürücülərin törətdikləri qayda pozuntuları İnzibati Xətalar Məcəlləsinin 327.1-ci maddəsilə məsuliyyət yaradır və 40 manat cəriməsi var.

Fərid