Sürücülər bu vəziyyətdən narazıdır: Dayanacaq yolun ortasındadır - VİDEO

Bakıda hərəkətin təşkili ilə bağlı məsələ sürücülərin narahatlığına səbəb olur. Bununla bağlı bir neçə oxucu redaksiyamızın qaynar xəttinə şikayət ünvanlayıb. Onlar bildirirlər ki, paytaxtın Mikayıl Müşfiq küçəsində hərəkət yenidən təşkil olunan zaman avtobus dayanacağını bildirən 1.17 nişanlanma xətti yolun sağ hərəkət zolağına çəkilib. Avtobuslar dayanacaqda sərnişib mindirib-düşürərkən, digər nəqliyyat vasitələrinin hərəkəti üçün yalnız bir zolaq qalır. Bu isə günün pik saatlarında tıxacın yaranmasına səbəb olur.

Qeydə alınmış videodan da aydın görünür ki, avtobusların dayanması üçün təşkil edilmiş yerin sağ tərəfində 1 zolaq enində boş yer var. Oranı isə təhlükəsizlik adacığı kimi təşkil ediblər. Oxucuların iradını haqlı hesab etmək olar. Çünki 1 zolaq enində olan yeri boş-boşuna təhlükəsizlik adacığı kimi təşkil etmək həqiqətən də mənasızdır. Təhlükəsizlik adacığını kəsərək cip tibli dayanacaq yeri təşkil etmək daha məqsədəuyğun hesab olunur.

Ümid edirik ki, hərəkətin təşkili ilə məşğul olan qurumlar tez bir zamanda sürücülərə çətinlik yaradan bu məsələni aradan qaldıracaq.

Fərid