Sürücülər bu yolda qayda pozub növbə gözləyənləri əsəbiləşdirirlər - VİDEO

Səhər saatlarında Bakı-Sumqayıt yolu kimi, Bakı-Şamaxı yolunda da tıxac olur. Çox təəssüf ki,tıxac zamanı növbədə gözləməyə səbri çatmayan sürücülər qayda pozaraq hamıdan önə keçməyə çalışır. Lakin bu zaman tıxacı daha da gərginləşdirirlər. Avtosfer.az xəbər verir ki, sözügedən yolda qayda pozan sürücülər kameraya düşüb. Belə ki, 10-LV-461 qeydiyyat nişanlı "Mercedes", 01-CC-447 qeydiyyat nişanlı "Daewoo" markalı, 77-XE-256 qeydiyyat nişanlı "Toyota Prius" markalı və 99-RS-865 qeydiyyat nişanlı "Ford" markalı avtomobillərin sürücüləri yol çiyni ilə hərəkət etməyə başlayıblar.

Qeyd edək ki, yol çiyni ilə hərəkət etmək qanunvericiliyə ziddir. Bu əməli törədən sürücülər 40 manat məbləğində cərimə oluna bilərlər.

Fərid