Sürücülər bu yolda qəzaya düşür; AAYDA şikayətlərə baxmır - VİDEO

Paytaxtın Ramana qəsəbəsində asfalt qatının çökməsi sürücülər üçün ciddi təhlükə yaradır. Avtosfer.az-ın məlumatına görə, bir neçə sürücü və sakin bu məsələ ilə bağlı redaksiyamızın qaynar xəttinə şikayət ünvanlayıb. Bildirilir ki, Şuşa (Malıbəyli) yolunun müəyyən hissəsində asfalt qatının dərin çöküntüsü əmələ gəlib. Nəticədə avtomobillər həmin çalaya düşərək zədələnir və ya sürücülər zərər görməmək üçün qəfil manevr etməyə məcbur olurlar. Bu isə çox vaxt onların əks istiqamətə çıxmasına və qarşıdan gələn nəqliyyat üçün təhlükə yaratmasına səbəb olur.

Məlumatlara görə, həmin yolda sürücülərin çaladan yayınmaq üçün əks zolağa çıxması dəfələrlə qəzalara səbəb olub.

Sakinlərin sözlərinə görə, sözügedən yol Azərbaycan Avtomobil Yolları Dövlət Agentliyinin (AAYDA) balansındadır. Onlar dəfələrlə quruma müraciət etsələr də, yalnız "düzəldiləcək" vədi verilib, amma problem hələ də aradan qaldırılmayıb.

Fərid