Sürücülər parkinqə pul ödəməmək üçün maşını piyada keçidinin üstündə saxladı - FOTO

Yol polisi əməkdaşlarının bu qədər cərimə və xəbərdarlıqlarına baxmayaraq, paytaxtın küçə və prospektlərində, xüsusən şəhərin mərkəzi ərazilərində sürücülərin piyadalar üçün ayrılmış hissələri zəbt etməsi halları davam edir.

Avtosfer.az xəbər verir ki, analoji hal Yasamal rayonu, Bəsti Bağırova küçəsində də yaşanıb. Belə ki, vətəndaşalrdan biri bu barədə “WhatsApp” nömrəmizə şikayət edib. O bildirib ki, dünən 12:00-13:00 aralığında 99-XL-448 dövlət nömrə nişanlı “VAZ” markalı və 90-TL-074 dövlət nişanlı “Porsche” markalı avtomobilin sürücüləri dayanma-durma qaydasını pozub. Nəticədə, ərazidən keçən piyadalar çətinlik yaşayıblar.

Şikayətçinin sözlərinə görə, sürücülər maşını park edərək ərazidən uzaqlaşıblar. O, eyni zamanda sürücülərin mütəmadi olaraq həmin yerdə saxladıqlarını əlavə edib.

Qeyd edək ki, sözügedən küçədə avtomobillər park edilməsi üçün parklanma yerləri mövcuddur.  

Fidan